Լուվրը վերաբացել է թալանված Ապոլլոն պատկերասրահը այցելուների համար

Փարիզի Լուվրի թանգարանը չորեքշաբթի օրը վերաբացել է թալանված «Ապոլլոն» պատկերասրահը՝ արժեքավոր ցուցանմուշները հեռացնելուց հետո։

Անցյալ տարվա հոկտեմբերին գողերը ցերեկը ներխուժել էին թանգարան և գողացել ինը զարդեր, այդ թվում՝ թագեր, ականջօղեր, վզնոցներ և կրծքազարդեր, որոնք պատկանել էին ֆրանսիական թագուհիներին և կայսրուհիներին։

Գողությունը գնահատվում է 88 միլիոն եվրոյի վնաս։ Մի քանի մարդ ձերբակալվել է, որոնցից հինգին մեղադրանք է առաջադրվել։ Գողացված զարդերը դեռևս չեն վերադարձվել։

«Ապոլլոն պատկերասրահը, որը փակ էր 2025 թվականի հոկտեմբերի 19-ի կողոպուտից հետո, այսօր վերաբացվում է։ Այնտեղ պահվող հավաքածուներն ու արժեքավոր ցուցանմուշները հեռացվել են՝ որմնանկարների և քանդակների գեղեցկությունը լիովին բացահայտելու համար», - նշվում է թանգարանի կայքում։

Ինչպես նշում է հաստատությունը, պատկերասրահն այսպիսով վերադառնում է իր 17-րդ դարի սկզբնական նպատակին՝ լինել անկախ արվեստի գործ։