ԱՄՆ-ում կարմրուկի դեպքերի ռեկորդային թիվ է գրանցվել վերջին 35 տարվա ընթացքում

2026 թվականին կարմրուկի դեպքերի թիվը հասել է 35 տարվա ամենաբարձր ցուցանիշին՝ գերազանցելով 2290-ը, հաղորդում է Washington Post-ը՝ հղում անելով Ջոնս Հոփքինսի համալսարանի կարմրուկի հետևորդական ծառայությանը։

«Միացյալ Նահանգները գրանցել է կարմրուկի դեպքերի ամենաբարձր թիվը մեկ տարվա ընթացքում 1991 թվականից ի վեր... Ջոնս Հոփքինսի համալսարանի կարմրուկի հետևորդական ծառայության տվյալներով՝ երեքշաբթի օրվա դրությամբ երկրում գրանցվել է 2295 դեպք», - գրում է թերթը։

Ինչպես նշում է հրատարակությունը, համեմատության համար, 2025 թվականին գրանցվել է 2289 դեպք, մինչդեռ 1991 թվականին այդ թիվը գերազանցել է 9600-ը։

Առողջապահության պաշտոնյաները վախենում են, որ նման բռնկումները կշարունակվեն՝ նշելով, որ դեպքերի իրական թիվը զգալիորեն գերազանցում է պաշտոնական տվյալները։

Ջոնս Հոփքինսի Բլումբերգի անվան հանրային առողջության դպրոցի համաճարակաբանության պրոֆեսոր Ուիլյամ Մոսի խոսքով՝ դեպքերի թիվը, հավանաբար, կշարունակի աճել։