ՈՒՂԻՂ․ Կառավարության նիստ Տարածաշրջանում թշնամի չունենք, ամենամեծ թշնամին ներսի գործակալներն են․ Սիմոնյան Ի՞նչ եղանակ է սպասվում Վթարների պատճառով մի քանի հասցենրում ջուր չի լինի Կարևոր լուր՝ թոշակառուների համար Փաշինյան. Անհայտ կորածների հարցի ամենաարդյունավետ լուծումը Հայաստան-Ադրբեջան համագործակցությունն է Ալեն Սիմոնյանը դեկտեմբերին Ադրբեջան է մեկնելու, հանդիպելու է Հաջիևին Ընդդիմադիրների ամենօրյա «կենցաղը»՝ դատարաններից մինչև կալանավայրեր. ինչպե՞ս սահմանափակել կալանքի համատարած կիրառումը Բուլդոզերով ժողովրդավարություն․ «Ինձ չհեռացրիք՝ ես եմ ձեզ հեռացնելու». Փաշինյան Ինչու Պապոյանը Մոսկվա չգնաց Ընդդիմադիր պատգամավորները ցանկանում են տեսակցել Շաքի ներխուժած ադրբեջանցի զինծառայողին, բայց թույլ չեն տալիս Ինչո՞ւ է Հայ առաքելական եկեղեցին գործող իշխանության գլխավոր թիրախը 

Նարեկ Ղահրամանյանը պահպանում է մանդատը. ինչ է փոխվել պատգամավորի ունեցվածքում 2020-2025 թվականներին. «Ժողովուրդ»

Հայկական Մամուլ

«Ժողովուրդ» օրաթերթը գրում է. «Հունիսի 7-ին կայացած ԱԺ ընտրությունների արդյունքներով «Քաղաքացիական պայմանագիր» կուսակցությունը ստացավ 64 մանդատ, ինչի շնորհիվ ՔՊ պատգամավոր Նարեկ Ղահրամանյանը ևս պահպանելու է իր պատգամավորական մանդատը և կլինի նոր ձևավորվող Ազգային ժողովի կազմում։

«Ժողովուրդ» օրաթերթն ուսումնասիրել է, թե ինչպես է տարիների ընթացքում փոխվել պատգամավորի գույքը, եկամուտներն ու դրամական միջոցները՝ սկսած 2020 թվականից մինչև 2025 թվականը։

Հիշեցնենք, որ Նարեկ Ղահրամանյանը 2018 թվականի հուլիս-հոկտեմբերին եղել է Կապան խոշորացված համայնքի ղեկավարի պաշտոնակատար։

2020-2021 թվականներին եղել է Ազգային ժողովի պատգամավոր («Իմ քայլը» կուսակցությունների դաշինքի համապետական ընտրական ցուցակով), «Իմ քայլը» խմբակցության անդամ։

2021 թվականի հունիսի 20-ի արտահերթ խորհրդարանական ընտրությունների արդյունքում ընտրվել է Ազգային ժողովի պատգամավոր՝ «Քաղաքացիական պայմանագիր» կուսակցության համապետական ընտրական ցուցակով։

Հիշեցնենք նաև, որ 2023 թվականին ԱԺ պատգամավոր Նարեկ Ղահրամանյանը զրկվել էր վարորդական իրավունքի վկայականից՝ հարբած վիճակում մեքենա վարելու պատճառով։ Մամուլը գրել էր, որ պատգամավորը, իր մեքենայով տեղափոխելիս, եղել է ՀՀ ԱԺ մեկ այլ պատգամավորի՝ Ռուստամ Բաքոյանին, և ընկել է պարեկների կողմից իրականացվող ստուգման շրջանակում։

«Ժողովուրդ» օրաթերթի ուսումնասիրությունը ցույց է տալիս, որ 2020-2025 թվականներին պատգամավորի հիմնական անշարժ գույքը գրեթե չի փոխվել. բոլոր տարիներին նա հայտարարագրել է Սյունիքի մարզի Լեռնաձոր համայնքում գտնվող հողամասը։ Մինչև 2025 թվականը նրա միակ մեքենան եղել է 2008 թվականի արտադրության Audi-ն, որը 2025 թվականին վաճառել է 5 մլն դրամով և նույն տարում ձեռք բերել 2021 թվականի արտադրության Mazda՝ 6.5 մլն դրամով։ 2023 թվականին առաջին անգամ հայտարարագրել է «ՕՐԴ ԴԵՎԵԼՈՓՄԵՆԹ» ընկերությանը տրամադրված 32.2 մլն դրամ անտոկոս փոխառություն, որը պահպանվել է նաև 2024 և 2025 թվականներին։ Նրա տարեկան եկամուտները 2020 թվականի 910 հազար դրամից աճել են մինչև 2025 թվականի 20.6 մլն դրամ, իսկ 2023 թվականին ընդհանուր հայտարարագրված եկամուտը հասել էր շուրջ 46.9 մլն դրամի՝ ներառելով նաև բանկից ստացված 32.2 մլն դրամ փոխառությունը։ 2024 թվականից նա նաև հայտարարագրել է բնակարանի ձեռքբերման իրավունքի համար ստացված շուրջ 31 մլն դրամ վարկ, իսկ 2025 թվականին բանկային հաշվի մնացորդը զգալի աճել է՝ հասնելով ավելի քան 2.1 մլն դրամի։

2020 թվական

2020 թվականի հայտարարագրի համաձայն՝ Նարեկ Ղահրամանյանն ունեցել է Սյունիքի մարզի Լեռնաձոր համայնքում գտնվող հողամաս և 2008 թվականի արտադրության Audi ավտոմեքենա։

Տարվա ընթացքում Ազգային ժողովից ստացել է 910 հազար դրամ աշխատավարձ։

Տարվա վերջի դրությամբ նրա բանկային հաշվում եղել է 800 հազար դրամ, իսկ կանխիկ միջոցները կազմել են 3 մլն դրամ։

2021 թվական

2021 թվականի սկզբում և վերջում պատգամավորն ունեցել է մեկ անշարժ գույք՝ Սյունիքի մարզի Լեռնաձոր համայնքում գտնվող հողամաս, որը ձեռք է բերվել 2014 թվականի հունվարի 1-ին՝ «այլ» եղանակով։ Նոր անշարժ գույք չի ձեռք բերել և չի օտարել։

Հայտարարագրել է նաև 2008 թվականի արտադրության Audi ավտոմեքենա, որը ձեռք է բերել 2019 թվականին՝ գնման եղանակով։ Տարվա ընթացքում մեքենա չի գնել և չի վաճառել։

Բանկային հաշվի մնացորդը տարվա սկզբի 300 հազար դրամից աճել է մինչև 450 հազար դրամ։

Կանխիկ միջոցները նվազել են՝ 2.5 մլն դրամից դառնալով 2.3 մլն դրամ։

Այսպիսով, տարվա վերջում ընդհանուր դրամական միջոցները կազմել են 2 մլն 750 հազար դրամ։

2021 թվականի եկամուտը կազմել է 7 մլն 557 հազար 70 դրամ, որն ամբողջությամբ աշխատանքի վարձատրություն է եղել Ազգային ժողովից։

Պատգամավորը չի հայտարարագրել վարկեր, փոխառություններ, բանկային ավանդներ, արժեթղթեր, ներդրումներ, թանկարժեք գույք կամ 2 մլն դրամը գերազանցող ծախսեր։

2022 թվական

2022 թվականին պատգամավորի հիմնական գույքը չի փոխվել։

Նա կրկին հայտարարագրել է Լեռնաձորի հողամասը և 2009 թվականի արտադրության Audi ավտոմեքենան, ինչպես նաև նշել է, որ ավելի քան 90 օր փաստացի տիրապետել է Երևանում գտնվող բնակարանի։

Բանկային հաշվի մնացորդը 325 հազար 375 դրամից նվազել է մինչև 213 հազար 772 դրամ։

Կանխիկ միջոցներն աճել են՝ 2.3 մլն դրամից հասնելով 3.6 մլն դրամի։

Տարեկան եկամուտը կազմել է 7 մլն 823 հազար 302 դրամ, որն ամբողջությամբ աշխատանքի վարձատրություն է եղել։

Չի հայտարարագրել փոխառություններ, վարկեր, ներդրումներ, ավանդներ, կրիպտոարժույթ կամ խոշոր ծախսեր։

2023 թվական

2023 թվականին պատգամավորի ունեցվածքում առաջին խոշոր փոփոխությունը եղել է 32 մլն 200 հազար դրամ փոխառության տրամադրումը «ՕՐԴ ԴԵՎԵԼՈՓՄԵՆԹ» ընկերությանը։

Հողամասն ու Audi ավտոմեքենան պահպանվել են, ինչպես նաև հայտարարագրվել է, որ ավելի քան 90 օր փաստացի տիրապետել է Երևանում գտնվող բնակարանի։

Բանկային հաշվի մնացորդը 213 հազար դրամից աճել է մինչև 649 հազար դրամ։

Կանխիկ դրամը 3.6 մլն դրամից նվազել է մինչև 2.8 մլն դրամ։

Տարվա ընդհանուր եկամուտը կազմել է 46 մլն 962 հազար 253 դրամ, որի կազմում ներառված են եղել աշխատավարձը, Ազգային ժողովից ստացված այլ վճարումները, ՊԵԿ-ից ստացված եկամուտը և Byblos Bank Armenia-ից ստացված 32.2 մլն դրամ փոխառությունը։

Տարվա վերջում ունեցել է նաև 31 մլն 850 հազար դրամ վարկային պարտավորություն։

2024 թվական

2024 թվականին անշարժ և շարժական գույքը չի փոխվել։

Պահպանվել են Լեռնաձորի հողամասը, Audi ավտոմեքենան, ինչպես նաև 32.2 մլն դրամ փոխառությունը «ՕՐԴ ԴԵՎԵԼՈՓՄԵՆԹ» ընկերությանը։

Բանկային հաշվի մնացորդը 649 հազար դրամից նվազել է մինչև 245 հազար 884 դրամ։

Միաժամանակ կանխիկ միջոցներում հայտնվել է 4500 ԱՄՆ դոլար, իսկ դրամական կանխիկ միջոցներն աճել են մինչև 3.2 մլն դրամ։

Տարվա եկամուտը կազմել է 10 մլն 148 հազար 323 դրամ, որն ամբողջությամբ աշխատանքի վարձատրություն է եղել։

Վարկային պարտավորության մնացորդը կազմել է 31 մլն 462 հազար 968 դրամ։

2025 թվական

2025 թվականին նա վաճառել է 2008 թվականի Audi ավտոմեքենան՝ 5 մլն դրամով, և ձեռք է բերել 2021 թվականի արտադրության Mazda ավտոմեքենա՝ 6 մլն 500 հազար դրամով։

Պահպանվել է Լեռնաձորի հողամասը, ինչպես նաև հայտարարագրվել է, որ ավելի քան 90 օր փաստացի տիրապետել է Երևանում գտնվող բնակարանի։

«ՕՐԴ ԴԵՎԵԼՈՓՄԵՆԹ» ընկերությանը տրամադրված 32 մլն 200 հազար դրամ անտոկոս փոխառությունը նույնպես պահպանվել է։

Բանկային հաշվի մնացորդը տարվա սկզբի 245 հազար 884 դրամից աճել է մինչև 2 մլն 175 հազար 461 դրամ։

Կանխիկ միջոցները կազմել են 2500 ԱՄՆ դոլար և 2.8 մլն դրամ։

2025 թվականի ընդհանուր եկամուտը կազմել է 20 մլն 667 հազար 63 դրամ։ Այն ձևավորվել է Ազգային ժողովից ստացված աշխատավարձից, այլ եկամուտներից, վարձակալության դիմաց ստացված վճարից և Ֆինանսների նախարարությունից ստացած եկամտային հարկի վերադարձից։

Տարվա վերջի դրությամբ նրա վարկային պարտավորության մնացորդը կազմել է 30 մլն 836 հազար 953 դրամ։

Հայտարարագրում, ինչպես նախորդ տարիներին, բացակայում են արժեթղթերը, բաժնեմասերը, բանկային ավանդները, կրիպտոարժույթը, 4 մլն դրամից ավելի արժեք ունեցող թանկարժեք գույքը և խոշոր միանվագ ծախսերը»։

Մանրամասները՝ «Ժողովուրդ» օրաթերթի այսօրվա համարում:

Հետևե՛ք Euromedia24-ին
Youtube-ում`
ՈՒՂԻՂ․ Կառավարության նիստՏարածաշրջանում թշնամի չունենք, ամենամեծ թշնամին ներսի գործակալներն են․ ՍիմոնյանԻ՞նչ եղանակ է սպասվումՎթարների պատճառով մի քանի հասցենրում ջուր չի լինիԿարևոր լուր՝ թոշակառուների համարՊուտինը հայտնել է Ասիա-խաղաղօվկիանոսյան տարածաշրջան հացահատիկի և պարարտանյութի խոշոր մատակարարումների մասինՊուտինը պատրաստ է գործընկերներին տրամադրել թվային և ԱԲ տեխնոլոգիաներՓաշինյան. Անհայտ կորածների հարցի ամենաարդյունավետ լուծումը Հայաստան-Ադրբեջան համագործակցությունն էՌուսական ուժերը հայտնել են Խարկովի և Սումիի մարզերում նոր հարվածների մասինԱլեն Սիմոնյանը դեկտեմբերին Ադրբեջան է մեկնելու, հանդիպելու է ՀաջիևինՌուսական ՀՕՊ-ը հայտնել է սահմանամերձ շրջաններ ուղղված շուրջ 20 ԱԹՍ-ի խոցման մասինԸնդդիմադիրների ամենօրյա «կենցաղը»՝ դատարաններից մինչև կալանավայրեր. ինչպե՞ս սահմանափակել կալանքի համատարած կիրառումըԲուլդոզերով ժողովրդավարություն․ «Ինձ չհեռացրիք՝ ես եմ ձեզ հեռացնելու». ՓաշինյանԻնչու Պապոյանը Մոսկվա չգնաց Ընդդիմադիր պատգամավորները ցանկանում են տեսակցել Շաքի ներխուժած ադրբեջանցի զինծառայողին, բայց թույլ չեն տալիսԻնչո՞ւ է Հայ առաքելական եկեղեցին գործող իշխանության գլխավոր թիրախըԵրազ է տեսել ու սպանել մարդուն Արտահերթի ուրվականը. ընդդիմությունը փակում է սահմանադրական գործարքի դուռըՄոսկվան արմատական է տրամադրված Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվիԾովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգըԿայացել են Հայաստանի և Նիդերլանդների արտաքին քաղաքական գերատեսչությունների միջև խորհրդակցություններըՊայթեցման աշխատանքներ՝ Ենոքավան տանող ճանապարհին«Ռոսատոմը» պահպանում է ուրանի մատակարարումը Միացյալ Նահանգներ՝ չնայած արգելքներինՊուտինի առաջարկը․ դաշինքի վերադարձ 1997 թվականի դիրքերին՝ Կալինինգրադում զորքերի կրճատման դիմացՆեթանյահուի դաշինքը պարտվել է․ Քնեսեթի նոր խոսնակը ընդդիմադիր Մատան Կահանան էԼեհական մամուլ․ Ռուսաստանը բազմաթիվ զոհերով սադրանք էր ծրագրում՝ մեղքը գցելով Ուկրաինայի վրաՊուտինի, Թրամփի և Սի Ծինփինի եռակողմ հանդիպման հիմնական թեմաները հայտնի ենԽաբարովսկում Ուկրաինայի հետախուզության հետ կապի կասկածանքով երկու անձ է ձերբակալվելՌուսաստանը վետո է դրել, ՄԱԿ-ի առաքելությունը հեռանում է․ ԱՄՆ-ն նոր քայլեր է քննարկում Մարոկկոյում«Համառ էր և ոչ այնքան շնորհակալ»․ Բայդենը բացահայտել է Զելենսկու հետ լարված հարաբերություններըՆիդերլանդական արտադրողը հայտնել է, որ իր հրթիռներով են հարվածել Ղրիմի կամրջինՄոլդովան բողոք է ներկայացրել Ռուսաստանին․ երկրի օդային տարածք է մտել 7 անօդաչու սարքԳլխավոր դատախազը բավարարել է Ղրղզստանի միջնորդությունըԳերմանիան Ռուսաստանին մեղադրել է Ուկրաինայում արգելված քիմիական նյութեր կիրառելու մեջԵվրոպան Ուկրաինային 45 միլիարդ եվրո է առաջարկում․ պարտքը կապում են Ռուսաստանի հատուցումների հետԱլժիրում բախումից հետո հրդեհ է բռնկվել․ 8 մարդ զոհվել էԱՄՆ-ում մի շարք համակարգերի խափանումներից հետո Ռուբիոն բացառել է կիբերհարձակման վարկածըՍև ծովում խորտակված գազատարին 4 հարված է հասցվել․ պաշտոնյաՍի Ծինփինը պատրաստ է աջակցել ԱՄՆ–Հյուսիսային Կորեա երկխոսության վերսկսմանըՀնդկաստանում շինարարական վթարը 3 աշխատողի կյանք է խլելԱՄՆ-ն, Ճապոնիան, Հնդկաստանն ու Ավստրալիան նոր անվտանգության նախաձեռնություն են համաձայնեցրելՊունեի փայտանյութի շուկան բռնկվել է․ հրդեհի դեմ պայքարել է 150 մարդՇորթում․ կասկածյալները օրենքով գող «Օշականցի Գևորիկի»՝ «թուրք» մականվամբ եղբայրն ու ու նրա որդին ենՏեխասում արդյունաբերական տարա է պայթել․ աշխատակցին հոսպիտալացրել ենՊապուա Նոր Գվինեայում 6,0 մագնիտուդով երկրաշարժ է գրանցվելՌումինիայի գիշերային երկրաշարժը զգացվել է նաև հարևան երկրներումՊայմանագրային զինծառայող է մահացելՍիբիրում Ան-12 է կործանվել․ ինքնաթիռում եղած 19 մարդը զոհվել էՎթարային ջրանջատում Կոտայքի մարզում
Ամենադիտված