Axios. ԱՄՆ-ն կարող է ընդլայնել Իրանի դեմ գործողությունները մի քանի օրվա ընթացքում

ԱՄՆ-ը կարող է զգալիորեն սրել իր ռազմական գործողությունը Իրանի դեմ մի քանի օրվա ընթացքում, հաղորդում է Axios-ը՝ հղում անելով ԱՄՆ վարչակազմի աղբյուրներին։

Ըստ թերթի՝ «Տարածաշրջանում ուժերի շարունակական կուտակման ֆոնին նախագահ Թրամփը դեռևս քննարկում է Իրանի դեմ լայնածավալ ռազմական գործողությունը վերսկսելու հնարավորությունը»։ «Ամերիկացի և իսրայելցի պաշտոնյաների կարծիքով՝ դա կարող է տեղի ունենալ մի քանի օրվա ընթացքում», - գրում է Axios-ը։

Ավելի վաղ The Wall Street Journal-ը (WSJ)՝ աղբյուրներին հղում անելով, հայտնել էր, որ ԱՄՆ-ն ամրապնդում է իր ռազմական ներկայությունը Մերձավոր Արևելքում, այնտեղ տեղափոխում զորքեր և զենք և պատրաստվում է Իրանի դեմ գործողության հնարավոր ընդլայնմանը։

Հուլիսի կեսերին WSJ-ն հայտնել էր, որ հիմնական խորհրդականների հետ մի քանի հանդիպումներից հետո Թրամփը հակված է Իրանի դեմ ռազմական գործողությունների սրմանը։

Հրատարակության աղբյուրների համաձայն՝ ԱՄՆ վարչակազմի կողմից քննարկվող տարբերակների թվում են Իսլամական Հանրապետության դեմ ռմբակոծությունների ակտիվացումը, Հորմուզի նեղուցում կղզիներ գրավելու համար ցամաքային զորքեր ուղարկելը և Իրանի էներգետիկ օբյեկտներին հարվածներ հասցնելը։