Իրավապաշտպանները դեմ են Կաթողիկոսի պաշտոնանկությանը նպաստող ցանկացած առաջարկի

Մի շարք իրավապաշտպաններ հանդես են եկել համատեղ հայտարարությամբ՝ կոչ անելով մերժել ցանկացած առաջարկ, ըստ որի ԵԱՀԿ-ն կարող է ներգրավվել կամ աջակցել Ամենայն հայոց կաթողիկոսի պաշտոնանկության գործընթացին։

Հայտարարության հեղինակները նշում են, որ նման նախաձեռնությունները հակասում են կրոնական ազատության, եկեղեցու ինքնավարության և իրավական պետության հիմնարար սկզբունքներին։ Նրանց համոզմամբ՝ եկեղեցու ներքին հարցերը պետք է լուծվեն բացառապես գործող կանոնակարգերի և իրավական ընթացակարգերի շրջանակում՝ առանց արտաքին միջամտության։