Մասնագետները բացատրել են, թե երբ է անհրաժեշտ անհապաղ փոխել Wi-Fi երթուղիչը
Հասարակություն
Եթե Wi-Fi երթուղիչը (ռոուտերը) այլևս չի ստանում արտադրողի ծրագրային թարմացումներ, այն խորհուրդ է տրվում հնարավորինս շուտ փոխարինել։ Այս մասին գրում է BGR տեխնոլոգիական պարբերականը՝ նշելով, որ նման սարքերի օգտագործումը կարող է լուրջ կիբեռանվտանգության ռիսկեր ստեղծել։
Մասնագետների խոսքով՝ երթուղիչները հաճախ աշխատում են ավելի քան 10 տարի, սակայն առանց ծրագրային աջակցման դրանք այլևս չեն ստանում անվտանգության թարմացումներ, որոնք փակում են հայտնաբերված խոցելիությունները։ Թեև նման սարքերը տեխնիկապես շարունակում են գործել, դրանք դառնում են ավելի խոցելի կիբերհարձակումների նկատմամբ։
Ըստ հրապարակման՝ հարձակվողները կարող են օգտագործել խոցելի երթուղիչները տնային ցանց ներթափանցելու, ինտերնետային տրաֆիկը վնասակար կայքեր վերահղելու կամ անձնական տվյալներ գողանալու համար։ Մասնագետները խորհուրդ են տալիս ստուգել՝ արդյոք երթուղիչը դեռ ստանում է թարմացումներ, հատկապես եթե այն ձեռք է բերվել ավելի քան հինգ տարի առաջ, և նոր սարք ընտրելիս նախապատվություն տալ երկարաժամկետ ծրագրային աջակցություն ապահովող արտադրողներին։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
