2030 թվականի ֆուտբոլի աշխարհի առաջնությունը կանցկացվի էլ ավելի շոգ կլիմայական պայմաններում

 Ֆուտբոլի 23-րդ աշխարհի առաջնությունն ավարտվեց Իսպանիայի հավաքականի հաղթանակով: Անբարենպաստ եղանակային պայմանների՝ ամպրոպների և ուժեղ շոգի պատճառով մտցվեցին լրացուցիչ ընդմիջումներ, որոնք հայտնի են որպես «ջրային դադարներ», որպեսզի խաղացողները կարողանան լրացնել հեղուկների պաշարները և նվազեցնել գերտաքացման ռիսկը: Այս մասին հայտնում են Հիդրոօդերևութաբանության և մոնիթորինգի կենտրոնից:

 

2024 թվականի դեկտեմբերի վերջին ՖԻՖԱ-ն հայտարարեց, որ Մարոկկոն, Պորտուգալիան և Իսպանիան համատեղ կհյուրընկալեն 2030 թվականի ՖԻՖԱ-ի աշխարհի առաջնությունը, այն բանից հետո, երբ Արգենտինայում, Պարագվայում և Ուրուգվայում կանցկացվեն երեք բացման խաղեր՝ նշելու առաջին Աշխարհի առաջնության 100-ամյակը։

 

Հունիսին Հյուսիսային Աֆրիկայում և Արևմտյան Եվրոպայում կարող են դիտվել ծայրահեղ շոգեր: Ափամերձ քաղաքները, ինչպիսիք են Բարսելոնան, Կասաբլանկան և Լիսաբոնը, սովորաբար օգտվում են Միջերկրական ծովից և Ատլանտյան օվկիանոսից փչող զով քամիներից: Այնինչ, ավելի ցամաքային քաղաքներում կարող են դիտվել շատ ավելի բարձր ջերմաստիճաններ:

 

Օրինակ՝ Մադրիդում հունիս և հուլիս ամիսներին միջին ջերմաստիճանը տատանվում է 30-ից մինչև 35°C, իսկ Մարակեշում և Ֆեսում միջին ջերմաստիճանները հուլիսին տատանվում է 35-ից մինչև 40°C, և սրանք ընդամենը միջին ցուցանիշներ են:

 

Այս տարի Պորտուգալիան և Իսպանիան մայիսի վերջից մինչև հուլիսի կեսերը ենթարկվեցին երեք ջերմային ալիքների ազդեցությանը: Համաշխարհային օդերևութաբանական կազմակերպության տվյալներով՝ հուլիսի 8-ին Բարսելոնայի Ֆաբրա աստղադիտարանում ջերմաստիճանը բարձրացել է մինչև 40°C, ինչը ռեկորդային բարձր ցուցանիշ է վերջին 100 տարվա ընթացքում:

 

Այս տարի Արևմտյան Եվրոպան գրանցեց ամենատաք հունիսը: Պորտուգալիայում մայիսին ջերմաստիճանը բարձրացել է 40°C-ից բարձր։

 

Եվ եթե կարծում եք, որ հաջորդ ֆուտբոլի աշխարհի առաջնության վայրի ընտրությունը ռիսկային է, ապա 2034 թվականի աշխարհի առաջնությունը կանցկացվի Սաուդյան Արաբիայում, որտեղ ամառային ջերմաստիճանը կարող է հասնել 50°C-ի