Նաբիուլինան անդրադարձել է նավթի գների կանխատեսմանը

Ռուսաստանի Կենտրոնական բանկը վերանայել է համաշխարհային նավթի գների իր կանխատեսումները՝ ամբողջ կանխատեսվող ժամանակահատվածի համար դրանք նվազեցնելով 5 դոլարով մեկ բարելի հաշվով։ Այս մասին հայտարարել է Կենտրոնական բանկի նախագահ Էլվիրա Նաբիուլինան։

Նրա խոսքով՝ համաշխարհային նավթի գները շարունակում են մնալ անկայուն և զգայուն են աշխարհաքաղաքական զարգացումների նկատմամբ։ Միաժամանակ Նաբիուլինան նշել է, որ այդ գործոնը սահմանափակ ազդեցություն ունի ԿԲ-ի մակրոտնտեսական կանխատեսումների վրա, քանի որ բյուջետային կանոնը մեղմում է գների տատանումների ազդեցությունը։

Թարմացված միջնաժամկետ կանխատեսման համաձայն՝ ռուսական նավթի միջին տարեկան գինը հարկման նպատակով 2026 թվականին ակնկալվում է 60 դոլար մեկ բարելի դիմաց, իսկ հաջորդ երեք տարիներին՝ 50 դոլար։