Սաուդյան Արաբիան հարվածներ է հասցրել Եմենում հութիների դիրքերին

Սաուդյան Արաբիայի գլխավորած կոալիցիան հարվածներ է հասցրել Եմենի «Անսար Ալլահ» շարժման Հոդեյդա նահանգում գտնվող հութի ապստամբների ռազմական օբյեկտներին, որոնք սպառնում էին Կարմիր ծովում նավագնացությանը, ասվում է դաշինքի խոսնակ Թուրքի ալ-Մալիքիի հայտարարության մեջ։

«Հարվածները կենտրոնացած էին Կարմիր ծովում նավագնացությանը սպառնացող օրինական ռազմական թիրախների վրա», - նշվում է հայտարարության մեջ։ Ալ-Մալիքին ընդգծել է, որ կոալիցիան չի հարձակվել Հոդեյդայի նավահանգստի վրա, և որ ռազմական գործողությունն արդեն ավարտվել է։

«Ռազմական գործողությունն ավարտվել է համաչափության սկզբունքի և նախատեսված գործառնական նպատակների իրագործմամբ», - հավելել է նա։

Դաշինքի խոսնակի խոսքով՝ Եմենի բոլոր նավահանգիստները, այդ թվում՝ Հոդեյդան, Ռաս Իսան և Ալ Սալիֆը, բաց են նավարկության համար և շարունակում են սպասարկել սնունդ, վառելիք և շինանյութեր տեղափոխող առևտրային նավերը։

Նա նաև մեղադրել է հութիներին Սանայի միջազգային օդանավակայանից առևտրային թռիչքները վերսկսելուց հրաժարվելու մեջ։