Հայտնի է դարձել Մոսկվայից Թուրքիա չվերթների զանգվածային ուշացումների մասին

Turkish Airlines ավիաընկերության մի շարք չվերթներ Մոսկվայի «Վնուկովո» օդանավակայանից դեպի Թուրքիա զգալի ուշացումներով են իրականացվում, ինչի հետևանքով ավելի քան հազար ուղևոր դեռ չի կարողացել մեկնել հանգստի։ Այդ մասին հայտնում է Shot Telegram-ալիքը։

Աղբյուրի տվյալներով՝ Անթալիա մեկնող TK212 և TK3061 չվերթները, ինչպես նաև Դալաման ուղղությամբ TK3179, TK3085, TK3120A և TK3121A չվերթները ուշացել են։ Նշվում է, որ որոշ ուղևորներ սպասում են արդեն շուրջ 12 ժամ։ Միաժամանակ Դալամանից Մոսկվա մեկնող TK3076 չվերթը ևս հետաձգվել է ավելի քան 10 ժամով։

Ավելի վաղ հաղորդվել էր, որ Turkish Airlines-ի չվերթների ուշացումներ էին գրանցվել նաև Սանկտ Պետերբուրգի «Պուլկովո» օդանավակայանում, որտեղ հուլիսի 24-ի գիշերը մի քանի ժամով սահմանափակվել էին թռիչքներն ու վայրէջքները։