Տոկաևի անսպասելի հայտարարությունը՝ Հայաստանի և Ադրբեջանի վերաբերյալ
Աշխարհ
Ղազախստանի նախագահ Կասիմ-Ժոմարտ Տոկաևը Օմսկում Ռուսաստանի նախագահ Վլադիմիր Պուտինի հետ հանդիպման ժամանակ առաջարկել է «սառեցնել» ուկրաինական հակամարտությունը, վերադառնալ կարգավորման ստամբուլյան բանաձևին և շարժվել դեպի խաղաղություն։
«Գուցե արդեն ժամանակն է սառեցնել այս հակամարտությունը և վերադառնալ «ստամբուլյան բանաձև 2.0-ին, քանի որ այնտեղ զգալի արդյունքներ էին ձեռք բերվել։ Բնականաբար, մեծ տերությունների, այդ թվում՝ Ռուսաստանի երաշխիքների ներքո, շարունակել շարժվել դեպի վաղուց սպասված խաղաղություն», — ասել է նա։
Միաժամանակ Ղազախստանի նախագահը նշել է, որ հրաժարվում է ստանձնել միջնորդի դեր հակամարտության կարգավորման հարցում։
Տոկաևը նաև ընդգծել է, որ Աստանայի դիրքորոշումը Ռուսաստանի նկատմամբ մնում է անփոփոխ։
Տոկաևը նաև նշել է, որ Ադրբեջանի և Հայաստանի միջև հակամարտության էությունն ու ծագումն ամբողջովին պարզ էին, ի տարբերություն ՌԴ–Ուկրաինա հակամարտության․ «Ադրբեջանի և Հայաստանի միջև հակամարտության էությունն ու ծագումն ամբողջովին պարզ էին մեզ համար․ դրանք խորը պատմական արմատներ ունեին։ Սակայն սա հասկանալը շատ դժվար է»։
Ղազախստանի նախագահը հավելել է, որ Վլադիմիր Պուտինը Ալյասկայում կայացած հանդիպման ընթացքում «դրսևորել է առավելագույն դիվանագիտական ճկունություն»։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
