Հնդիկ նախարարը հրաժարական է տվել լայնածավալ բողոքների ֆոնին
Աշխարհ
Հնդկաստանի կրթության նախարարը հրաժարական է տվել մի քանի օր շարունակվող լայնածավալ բողոքների ֆոնին, դրանց մասնակիցները տոնում են հաղթանակը, հաղորդել է BBC-ն։
«Ես խորապես հարգում եմ մեր երկրի երիտասարդության ձգտումները, զգացմունքները և օրինական ակնկալիքները։ Հնդիկների երիտասարդ սերնդի երազանքների իրականացումը մեր քաղաքական և հասարակական կյանքի բարոյական հրամայականն է», — գրել է կրթության նախարար Դհարմենդրա Պրադհանը X-ում՝ հայտարարելով իր հրաժարականի մասին։
Նա «Բհարաթիյա ջանաթա կուսակցության» (Հնդկաստանի ժողովրդական կուսակցություն) և վարչապետ Նարենդրա Մոդիի 12-ամյա կառավարման ընթացքում առաջին նախարարն է, որը հրաժարական է տվել հասարակական ճնշման ներքո։
Երգիծական ոչ ֆորմալ «Ուտիճների Ժողովրդական կուսակցությունը», որը Նյու Դելիի փողոցներ էր դուրս բերել հազարավոր երիտասարդների, կոչ է արել իր կողմնակիցներին դադարեցնել բողոքները, որոնք տևել էին մի քանի շաբաթ և դարձել էին լուրջ մարտահրավեր Մոդիի համար։
«Ուտիճների» ներկայացուցիչ Սաուրավ Դասը հայտնել է, որ պետությունը համաձայնել է իրենց բոլոր պահանջներին՝ կրթության նախարարի հրաժարական, փոխհատուցում նրանց հարազատներին, ովքեր, ենթադրաբար, ինքնասպան են եղել քննության նյութերի արտահոսքի պատճառով, և հրաժարում բողոքի ակցիաների մասնակիցների հետապնդումից։
Վերջին մի քանի տարիների ընթացքում Հնդկաստանում ամենամասշտաբային բողոքների պատճառը դարձել է NEET պետական քննության նյութերի արտահոսքը, որն անհրաժեշտ է Հնդկաստանի բժշկական բուհեր ընդունվելու համար, ինչպես նաև դրան հաջորդած թեստավորման արդյունքների չեղարկումը։ Իշխանությունները նաև երկրում անջատել են Telegram-ը
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
