Լիցքավորվող հեռախոսն օգտագործած դեռահասը մահացել է էլեկտրահարումից

Ռուսաստանի Յակուտիայի 15-ամյա բնակիչը մահացել է էլեկտրահարումից՝ լիցքավորման ընթացքում սմարթֆոն օգտագործելիս։ Այդ մասին հայտնում է Mash Telegram-ալիքը։

Աղբյուրի տվյալներով՝ դեպքը տեղի է ունեցել Վերխնևիլյույսկի շրջանում։ Դեռահասը սպասելիս լիցքավորման էր միացրել իր հեռախոսը և միաժամանակ դիտում էր տեսանյութեր սոցիալական ցանցերում։ Նշվում է, որ սարքը գերտաքացել է, ինչից հետո նա ենթադրաբար հոսանքահարվել է։ Պատանուն հայտնաբերել են կրծքավանդակի այրվածքով, սակայն նրա կյանքը փրկել չի հաջողվել։

Ավելի վաղ հաղորդվել էր Մոսկվայի մարզում գրանցված նմանատիպ դեպքի մասին, երբ 14-ամյա աղջիկը լոգարանում հեռախոսը power bank-ին միացնելուց հետո հոսանքահարվել էր։ Բժիշկներին հաջողվել էր փրկել նրա կյանքը։