Լուկաշենկոն Ռուսաստանին առաջարկել է դառնալ տարածաշրջանային համագործակցության «թրենդ ստեղծողը»

Բելառուսի նախագահ Ալեքսանդր Լուկաշենկոն առաջարկել է Ռուսաստանին դառնալ տարածաշրջանների միջև համագործակցության զարգացման «թրենդ ստեղծողը»։ Այս մասին նա հայտարարել է Ռուսաստանի նախագահի Կենտրոնական դաշնային օկրուգում լիազոր ներկայացուցիչ Իգոր Շչեգոլևի հետ հանդիպման ժամանակ։

Լուկաշենկոյի խոսքով՝ Ռուսաստանի մեծ տարածքը հնարավորություն է տալիս, որպեսզի ռուսական և բելառուսական շրջաններն ավելի ակտիվ համագործակցեն անմիջական կապերի միջոցով։ Նա նշել է, որ նման մոտեցումն արդեն արդյունավետ արդյունքներ է տվել Բելառուսի՝ Չինաստանի և Ղազախստանի հետ հարաբերություններում, ընդգծելով, որ այդ ոլորտում Բելառուսն ունի մեծ փորձ։

Բելառուսի նախագահը նաև առանձնահատուկ ուշադրություն է դարձրել Ռուսաստանի Կալուգայի մարզին՝ այն գնահատելով որպես երկկողմ համագործակցության ընդլայնման հեռանկարային ուղղություն։