Մոսկվայից կոչով դիմել են ԱՄՆ-ին

Մոսկվան Վաշինգտոնին կոչ է անում հստակություն մտցնել Անքորիջի պայմանավորվածությունների շուրջ ստեղծված իրավիճակում՝ նախքան նոր գաղափարներ առաջ քաշելը։ Այս մասին ճեպազրույցի ընթացքում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Նախքան որևէ նոր, դեռ չհնչեցված և չձևակերպված բան քննարկելը, թերևս, ճիշտ կլիներ որոշակի հստակություն մտցնել հնի մեջ, մասնավորապես՝ համապատասխան գաղափարների արդեն իսկ տեղի ունեցած քննարկումներում», - ասել է դիվանագետը՝ պատասխանելով «Ռոյթերս» գործակալության լրագրողի համապատասխան հարցին։

Զախարովան հայտարարել է, որ այժմ «օրինաչափ հարց է առաջանում, որը ինչ-ինչ պատճառներով լուսաբանում չի գտել ոչ Պետդեպարտամենտում, ոչ էլ որևէ այլ տեղ․ իսկ ո՞վ է կոնկրետ տապալել այսպես կոչված «Անքորիջի բանաձևի» իրականացումը, որն իսկապես ունակ էր հանգեցնելու խաղաղության հաստատմանը»։

ԱԳՆ պաշտոնական ներկայացուցիչը լրագրողին՝ որպես արևմտյան զանգվածային լրատվության միջոցի ներկայացուցչի, ում հետ Պետդեպարտամենտում հարաբերություններ են պահպանում, խորհուրդ է տվել ճշտել այդ կարևոր նրբությունը։ «Որովհետև անորոշության այս վիճակը՝ իբր տապալվել է, արդիական չէ, ինչ-որ այսպես չի կայացել, - նկատել է Զախարովան։ - Այնուամենայնիվ, ցանկություն կա հստակություն մտցնել այդ հարցում, քանի դեռ այդ թեմայով արտահայտվել է Պետդեպարտամենտը»։

«Մեր կողմից հաստատում ենք ուկրաինական ճգնաժամի քաղաքական-դիվանագիտական կարգավորման պատրաստակամությունը, ինչից երբեք չենք հրաժարվել, սակայն այն փոխըմբռնումների հիման վրա, որոնք ձեռք են բերվել, այդ թվում՝ Ալյասկայում։ Վերստին հաստատում ենք պատրաստակամությունը հնարավոր քննարկումների, առաջարկների, գաղափարների վերաբերյալ, որոնք մենք պատրաստ կլինենք դիտարկել։ Դրանից ոչ ոք չի հրաժարվել», - եզրափակել է դիվանագետը։