Brent տեսակի նավթի գինը նվազել է՝ մեկ բարելի դիմաց իջնելով 83 դոլարից

Համաշխարհային շուկայում նավթի գները շարունակել են կտրուկ անկումը։ Հուլիսի 28-ի առևտրի ընթացքում Brent տեսակի նավթի մեկ բարելի արժեքը նվազել է ավելի քան 3 տոկոսով՝ իջնելով 83 դոլարից ցածր։

Լրատվամիջոցների տվյալներով՝ նավթի էժանացումը շարունակվում է երկրորդ օրն անընդմեջ՝ այն բանից հետո, երբ ԱՄՆ նախագահ Դոնալդ Թրամփի հանձնարարությամբ դադարեցվել են Իրանի ուղղությամբ հարվածները։ Միաժամանակ հաղորդվում է, որ Թեհրան է ժամանել Օմանի պատվիրակությունը, որը միջնորդում է Հորմուզի նեղուցի վերաբացման շուրջ բանակցություններում։

Bloomberg-ի փոխանցմամբ՝ կողմերի միջև հնարավոր համաձայնությունը կարող է ճանապարհ հարթել ԱՄՆ-ի և Իրանի միջև բանակցությունների վերսկսման համար։ Այդ ֆոնին Դոնալդ Թրամփը, անդրադառնալով ԱՄՆ-ում բենզինի թանկացմանը, կոչ է արել երկրի հիմնական տոկոսադրույքը դարձնել աշխարհում ամենացածրը։