ԱԽ քարտուղարն ու Ֆրանսիայի դեսպանը քննարկել են ռազմավարական գործընկերության խորացումը

ԱԽ քարտուղարն ընդունել է Հայաստանում Ֆրանսիայի արտակարգ և լիազոր դեսպան Օլիվիե Դըկոտինյիին՝ դիվանագիտական առաքելության ավարտի կապակցությամբ։

Նա բարձր է գնահատել դեսպանի ներդրումը Հայաստան-Ֆրանսիա հարաբերությունների զարգացման և ռազմավարական գործընկերության ամրապնդման գործում։ Կողմերը կարևորել են փոխադարձ վստահության վրա հիմնված համագործակցության շարունակական խորացումը, քաղաքական երկխոսության զարգացումը և փոխադարձ հետաքրքրություն ներկայացնող ոլորտներում կապերի ընդլայնումը։