Հնդկաստանի ԱԳՆ-ը հայտարարել է BRICS գագաթնաժողովին որոշ գործընկեր երկրների մասնակցության հնարավորության մասին

Հնդկաստանի արտաքին գործերի նախարարության խոսնակ Ռանդհիր Ջայսվալի խոսքով՝ Հնդկաստանը, որը նախագահում է BRICS-ում, քննարկում է BRICS-ի մի քանի գործընկեր երկրների մասնակցությունը սեպտեմբերյան գագաթնաժողովին։

Գագաթնաժողովին հրավերների վերաբերյալ ճեպազրույցի ժամանակ հարցին պատասխանելով՝ Ջայսվալն ասել է, որ «BRICS-ի անդամ երկրներից բացի, միջոցառմանը կարող են մասնակցել նաև որոշ գործընկեր երկրներ»։

«Մենք մանրամասներ կտրամադրենք, հենց որ ստանանք այս հարցի վերաբերյալ ամբողջական տեղեկատվություն», - հավելել է նա։

Խոսնակի խոսքով՝ Հնդկաստանն այժմ մշակում է գագաթնաժողովի օրակարգը։ «Մենք պատրաստվում ենք առաջիկա գագաթնաժողովին։ Ներկայումս ընթանում են մի շարք նախարարական մակարդակի հանդիպումներ և տեխնիկական բանակցություններ, որոնք կօգնեն մեզ ձևավորել գագաթնաժողովի օրակարգը», - ասել է նա՝ հարցին, թե արդյոք գագաթնաժողովում քննարկվելու է BRICS-ի ընդհանուր արժույթի թեման։

BRICS-ի 18-րդ գագաթնաժողովը տեղի կունենա Նյու Դելիում սեպտեմբերի 12-13-ը։ Հնդկաստանի նախագահության հիմնական թեման է «Դիմակայունության, նորարարության, համագործակցության և կայուն զարգացման ամրապնդումը»։