ՄԱԿ-ը զգուշացրել է, որ աշխարհը կարող է բախվել ՄԻԱՎ-ի նոր համաճարակի

ՄԱԿ-ի ՄԻԱՎ/ՁԻԱՀ-ի դեմ պայքարի համատեղ ծրագրի (UNAIDS) նոր զեկույցի համաձայն՝ աշխարհը բախվում է ՄԻԱՎ համաճարակի նոր սպառնալիքի, եթե վարակի վերահսկման ծրագրերի ֆինանսավորումը շարունակի նվազել։

«Տարբեր երկրներից ՄԻԱՎ-ի դեմ պայքարի ջանքերի միջազգային ֆինանսավորումը նվազել է ավելի քան 1.5 միլիարդ դոլարով՝ 2024 թվականի 8.8 միլիարդ դոլարից հասնելով 2025 թվականի 7.3 միլիարդ դոլարի», - նշվում է զեկույցում։

Նշվում է, որ սա 18%-ի նվազում է և ամենացածր ցուցանիշը գրեթե երկու տասնամյակի ընթացքում։