RadarOnline․ Թոմ Քրուզը ծանր է տարել դստեր՝ իր ազգանունից հրաժարվելու որոշումը

Հոլիվուդյան դերասան Թոմ Քրուզը ծանր է ընդունել իր 19-ամյա դստեր՝ Սուրիի որոշումը պաշտոնապես հրաժարվել հոր ազգանունից։ Այդ մասին հայտնում է RadarOnline-ը՝ հղում անելով դերասանի ընտանիքին մոտ կանգնած անանուն աղբյուրին։

Աղբյուրի պնդմամբ՝ Քրուզը խորապես վշտացած է Սուրիի որոշումից, թեև հասկանում է, որ դուստրն արդեն չափահաս է և ինքնուրույն է կայացնում իր որոշումները։ Հրապարակման համաձայն՝ դերասանը հույս ունի ապագայում վերականգնել հարաբերությունները դստեր հետ։

Ըստ RadarOnline-ի՝ Սուրին այժմ պաշտոնապես գրանցված է Սուրի Նոել անունով։ «Նոել»-ը նրա մոր՝ դերասանուհի Քեթի Հոլմսի երկրորդ անունն է։ Նշված տեղեկությունները հիմնված են անանուն աղբյուրի հայտարարությունների վրա և պաշտոնապես չեն հաստատվել։