Fox. Թրամփի մահվան դեպքում անվճար գարեջուր խոստացող գարեջրատանը լիցենզիան չեղյալ է հայտարարվել

Վիսկոնսինի կարգավորող մարմինները չեղյալ են հայտարարել Minocqua Brewing գարեջրատան գործունեության լիցենզիան, որի սեփականատերը հայտնի է ԱՄՆ նախագահ Դոնալդ Թրամփի մասին բացասական հայտարարություններով, հաղորդում է Fox News-ը։

Որոշումն ուժի մեջ է մտնում օգոստոսի 4-ին։ Չեղարկման պատճառը գարեջրատանը պահածոյացված գարեջրի խմբաքանակի առգրավումն էր, որը, ըստ իշխանությունների, ներմուծվել էր մեկ այլ նահանգից՝ առանց անհրաժեշտ թույլտվությունների և հարկերի։

Գարեջրատան սեփականատեր և հայտնի լիբերալ ակտիվիստ Քըրք Բանգստադը կարծում է, որ ենթադրյալ հարկային խախտումները հիմք չեն հանդիսանում իր բիզնեսը փակելու համար և մտադիր է բողոքարկել որոշումը «բոլոր անհրաժեշտ միջոցներով»։ Նա արդեն կոչ է արել իր կողմնակիցներին նվիրատվություններ կատարել դատական ​​ծախսերը հոգալու հատուկ հիմնադրամին, որը, նրա գնահատմամբ, կարող է հասնել 100,000 դոլարի՝ նույնիսկ դատավարությունից առաջ։