Ռուսական ավիաընկերությունը կրկին սկսել է զեղչերով ավիատոմսերի վաճառքը

Ռուսական «Պոբեդա» ավիաընկերությունը հայտարարել է ձմեռային չվացուցակի բոլոր չվերթների համար ավիատոմսերի վաճառքի նոր ակցիայի մեկնարկի մասին։ Ընկերության Telegram-ալիքի համաձայն՝ զեղչերը հասնում են մինչև 10 տոկոսի։

Ակցիայի պայմաններով՝ «Բազային» սակագնի դեպքում գործում է 5%, իսկ «Շահավետ» և «Մաքսիմում» սակագների համար՝ 10% զեղչ՝ GOTOV պրոմոկոդի կիրառմամբ։ Զեղչված տոմսերը հնարավոր է ձեռք բերել մինչև հուլիսի 31-ը՝ Մոսկվայի ժամանակով 23:59-ը, իսկ դրանցով ճանապարհորդել՝ 2026 թվականի հոկտեմբերի 25-ից մինչև 2027 թվականի մարտի 27-ը։