ՀՅԴ Հայ Դատի կենտրոնական խորհուրդը պատասխանել է Զախարովայի՝ ՀԱՊԿ-ի վերաբերյալ հայտարարությանը

ՀՅԴ Հայ Դատի կենտրոնական խորհուրդը հայտարարություն է տարածել՝ անդրադառնալով ՌԴ ԱԳՆ պաշտոնական ներկայացուցիչ Մարիա Զախարովայի այն պնդմանը, թե ՀԱՊԿ-ը չէր կարող ներգրավվել Ղարաբաղյան հակամարտությանը, քանի որ Հայաստանը Լեռնային Ղարաբաղը չէր ճանաչում որպես իր տարածք կամ անկախ պետություն։

Հայտարարությունում նշվում է, որ 44-օրյա պատերազմի ընթացքում Հայաստանը չի դիմել ՀԱՊԿ-ին, սակայն սխալ է համարել այն պնդումը, թե Հայաստանը Ղարաբաղը չէր ճանաչում որպես անկախ միավոր։

ՀՅԴ Հայ Դատի կենտրոնական խորհուրդը նշել է, որ Հայաստանը դե յուրե չի ճանաչել Արցախի Հանրապետությունը որպես անկախ պետություն՝ ԵԱՀԿ Մինսկի խմբի բանակցային գործընթացի շրջանակը պահպանելու նպատակով, սակայն գործնականում Արցախի հետ ունեցել է պետական հարաբերություններին բնորոշ լայն համագործակցություն։

Հայտարարությունում նաև նշվում է, որ ԵԱՀԿ Մինսկի խմբի համանախագահող երկրները՝ ԱՄՆ-ը, Ռուսաստանը և Ֆրանսիան, հակամարտության կարգավորման գործընթացում մշտապես կարևորել են ուժի կիրառման բացառումը և առաջարկներում նախատեսել են Լեռնային Ղարաբաղի ժողովրդի ինքնորոշման իրավունքի քննարկման հնարավորություն։

ՀՅԴ Հայ Դատի կենտրոնական խորհուրդը ընդգծել է, որ այս պարզաբանումներն անհրաժեշտ են նաև արցախցիների վերադարձի իրավունքի պաշտպանության համատեքստում։