Ճապոնիայի բնակչությունը 42 տարվա ընթացքում առաջին անգամ նվազել է 120 միլիոնից
Աշխարհ
Ճապոնիայի բնակչության թիվն, առանց հաշվի առնելու օտարերկրացիներին, 42 տարվա ընթացքում առաջին անգամ նվազել է 120 միլիոնից։ «Արմենպրես»-ի փոխանցմամբ՝ այս մասին հաղորդում է ՏԱՍՍ գործակալությունը՝ վկայակոչելով կառավարության վիճակագրական տվյալները:
Վերջին տարում ճապոնացիների թվաքանակը կրճատվել է 916 հազարով՝ մինչև 119,736 միլիոն: Սա բնակչության կրճատման ամենաբարձր տեմպն է 1968 թվականից ի վեր։
Մինչդեռ Ճապոնիայում բնակվող օտարերկրացիների թիվը պատմության մեջ առաջին անգամ գերազանցել է 4 միլիոնը։ Այսպիսով, երկրի բնակչության ընդհանուր թվաքանակը կազմում է 123,7 միլիոն։Ճապոնիայում վերջին տարիներին գրակշռում է ռեկորդային ցածր ծնելիությունը, որն ուղեկցվում է հասարակության ծերացման միտումով:
Ինչպես նշում են տեղի փորձագետները, բնակչության սրընթաց ծերացումը կարող է մոտ ապագայում երկիրը բազմաթիվ խնդիրների առաջ կանգնեցնել: Օրինակ՝ ներկայում աշխատող ճապոնացիները ծերության ժամանակ կարող են չստանալ նույն չափի կենսաթոշակային վճարներ, որքան սահմանված է ներկայիս ճապոնացի թոշակառուների համար։
Մինչև 2053 թվականը Ճապոնիայի բնակչությունը, կանխատեսումների համաձայն, կկրճատվի մինչև 100 միլիոն, իսկ 2065 թվականին՝ մինչև 88 միլիոն։ Նրանց 38%-ը կկազմեն 60 տարեկանից բարձր մարդիկ:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
