Ավելի քան 20 հազար միգրանտ է ներխուժել Իսպանիայի Սեուտա նահանգ

Ավելի քան 20,000 միգրանտներ հատել են Հյուսիսային Աֆրիկայի ինքնավար իսպանական Սեուտա քաղաքի ցամաքային սահմանը՝ առանց Մարոկկոյի անվտանգության ուժերի դիմադրության հանդիպելու, հաղորդում է Mundo թերթը՝ հղում անելով իրավապահ մարմինների աղբյուրներին։

Սրանք 2021 թվականից ի վեր ամենամեծ միգրացիոն ճգնաժամի առաջին պաշտոնական գնահատականներն են։

«Ամբողջ ընտանիքներ շրջանցել են Տարախալի սահմանային ծովախորշը՝ Իսպանիայի տարածք մտնելու համար, և Քաղաքացիական գվարդիայի աշխատակիցները չեն կարողացել կանգնեցնել նրանց առաջընթացը», - գրել է թերթը։

Երբ միգրանտների մեծ մասն արդեն հատել էր սահմանը, ոստիկանությունը միջամտել է՝ փորձելով զսպել մարդկանց հոսքը և ուղղորդել նրանց դեպի պահեստներ, որոնք օգտագործվում էին որպես միգրանտների ժամանակավոր կալանքի կենտրոններ։