ՌԴ ՊՆ․ Ռուսական բանակը մեկ շաբաթում իրականացրել է մեկ զանգվածային և 15 խմբային հարված Ուկրաինայի տարածքում

Ռուսաստանի պաշտպանության նախարարությունը հայտարարել է, որ հուլիսի 25-31-ն ընկած ժամանակահատվածում Ռուսաստանի զինված ուժերը Ուկրաինայի տարածքում իրականացրել են մեկ զանգվածային և 15 խմբային հարված։

ՌԴ պաշտպանության նախարարության հաղորդագրության համաձայն՝ հարվածների ընթացքում կիրառվել են տարբեր տեսակի անօդաչու թռչող սարքեր, ինչպես նաև օդային, ցամաքային և ծովային տեղակայման բարձր ճշգրտության զինատեսակներ։

Գերատեսչությունը չի ներկայացրել հարվածների հետևանքների վերաբերյալ մանրամասներ։ Ռուսական պաշտպանության նախարարության հայտարարությունները պատերազմի պայմաններում հնարավոր չէ լիարժեքորեն անկախ աղբյուրներով ստուգել։