Իսպանիայի թագավորը վարչապետի հետ քննարկել է Սեուտայում միգրացիոն ճգնաժամը

Իսպանիայի թագավոր Ֆելիպե VI-ը հեռախոսազրույց է ունեցել վարչապետ Պեդրո Սանչեսի հետ՝ քննարկելու Հյուսիսային Աֆրիկայի ափին գտնվող Սեուտա ինքնավար քաղաքում տիրող միգրացիոն ճգնաժամը, հաղորդում է El Pais-ը։

Գործակալության տվյալներով՝ միապետը նաև զրուցել է քաղաքի կառավարության ղեկավար Խուան Խեսուս Վիվասի հետ։

Ինչպես ավելի վաղ հայտնել էին իսպանական լրատվամիջոցները, հազարավոր միգրանտներ կարողացել են հասնել Սեուտա լողալով և քայլելով՝ շրջանցելով քաղաքը Մարոկկոյից բաժանող ծովափնյա ջրարգելակը։ Cadena SER ռադիոկայանի տվյալներով՝ վերջին 24 ժամվա ընթացքում Սեուտա է մտել 49,000 անօրինական ներգաղթյալ։ Ավելին, քաղաք հասնելու փորձի ժամանակ զոհվել է առնվազն 19 մարդ։

Միգրանտների ճգնաժամի պայմաններում Իսպանիայի իշխանությունները որոշել են տեղակայել զինվորականներին՝ քաղաքում անվտանգությունն ապահովելու համար։ Իսպանիայի վարչապետ Պեդրո Սանչեսը հուլիսի 31-ին պետք է այցելի քաղաք՝ ներքին գործերի նախարար Ֆեռնանդո Գրանդե-Մարլասկայի հետ միասին։