Վանաձորում «BMW»-ն բախվել է «ՎԱԶ 2107»-ին․ 20-ամյա վարորդը տեղափոխվել է հիվանդանոց

Հուլիսի 30-ին ավտովթար է տեղի ունեցել Լոռու մարզի Վանաձոր քաղաքում։ Ժամը 20:30-ի սահմաններում Նարեկացի փողոցում բախվել են 20-ամյա Սեյրան Հ.-ի վարած «ՎԱԶ 2107» և 25-ամյա Վահան Զ.-ի վարած «BMW» մակնիշի ավտոմեքենաները․ փոխանցում է Shamshyan.com-ը։

Վթարի հետևանքով «ՎԱԶ 2107»-ի վարորդ Սեյրան Հ.-ն մարմնական վնասվածքներով տեղափոխվել է «Վանաձոր» բժշկական կենտրոն։

Դեպքի վայրում աշխատել են ՆԳՆ ոստիկանության պարեկային ծառայության Լոռու մարզի գումարտակի ծառայողները։ Տարածքը սահմանազատվել է, իսկ դեպքի մասին տեղեկությունը փոխանցվել է Քննչական կոմիտեի Լոռու մարզային քննչական վարչություն։

Վթարի փաստով նախաձեռնվել է քրեական վարույթ։ Քննությամբ պարզվում են դեպքի բոլոր հանգամանքները։