Լատվիան փակել է Բելառուսի հետ միակ գործող սահմանային անցակետը
Աշխարհ
Լատվիան տեխնիկական խնդիրների պատճառով ժամանակավորապես դադարեցրել է երթևեկությունը Բելառուսի հետ սահմանին գործող «Պատերնիեկի» անցակետով։ Այս մասին հայտնում է Reuters-ը։
Լատվիայի ներքին գործերի նախարար Յանիս Դոմբրավան հուլիսի 31-ի երեկոյան հայտարարել է սահմանային անցակետի աշխատանքի դադարեցման մասին և Բելառուսում գտնվող, հայրենիք վերադառնալ ցանկացող Լատվիայի քաղաքացիներին խորհուրդ տվել օգտվել այլընտրանքային երթուղիներից։
Լատվիայի պետական սահմանապահ ծառայության փոխանցմամբ՝ «Պատերնիեկի» անցակետում գրանցվել են տեղեկատվական համակարգերի տեխնիկական խափանումներ, ինչի հետևանքով ժամանակավորապես անհնար է դարձել իրականացնել սահմանային հսկողություն։
Առայժմ հայտնի չէ, թե ինչն է եղել խափանման պատճառը և երբ կվերականգնվի համակարգերի բնականոն աշխատանքը։ Միևնույն ժամանակ, Լատվիայի կիբեռմիջադեպերի կանխարգելման կենտրոնը հայտնել է, որ արտաքին միջամտության կամ կիբերհարձակման որևէ նշան չի հայտնաբերվել։
Հատկանշական է, որ «Պատերնիեկի»-ն ներկայումս Լատվիայի և Բելառուսի միջև գործող միակ սահմանային անցակետն է։ Երկրորդ՝ «Սիլենե» անցակետը, Լատվիայի իշխանությունները փակել էին դեռևս 2023 թվականին՝ Բելառուսի կողմից աճող անկանոն միգրացիոն հոսքերի պատճառով։
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
