Վերջին 40 տարվա ամենաուժեղ ցնցումներից մեկը․ Իտալիայում 26 տուժած կա
Աշխարհ
Գերատեսչության հաղորդագրության համաձայն՝ նախորդ երեկոյան գրանցված 4,7 մագնիտուդով երկրաշարժի հետևանքով 26 մարդ տարբեր աստիճանի վնասվածքներ է ստացել։
Քաղաքացիական պաշտպանության ծառայությունը նաև տեղեկացրել է, որ անվտանգության նկատառումներից ելնելով՝ շուրջ 300 բնակիչ տարհանվել կամ ինքնուրույն հեռացել է իր տներից։
Այս պահին հրշեջներն ու տեխնիկական մասնագետները շարունակում են շենքերի և ենթակառուցվածքների ստուգումները՝ հնարավոր վնասվածքները գնահատելու և բնակիչների անվտանգությունն ապահովելու նպատակով։
Ավելի վաղ Եվրոպական-միջերկրածովյան սեյսմոլոգիական կենտրոնը (EMSC) հայտնել էր, որ 4,7 մագնիտուդով երկրաշարժը գրանցվել է Նեապոլից մոտ 10 կիլոմետր հեռավորության վրա։ Իսկ Corriere della Sera պարբերականի տվյալներով՝ սա տարածաշրջանում վերջին չորս տասնամյակների ամենաուժեղ սեյսմիկ երևույթներից մեկն է։
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
