Մոսկվայում ռեստորանի տարածքում պայթյուն է տեղի ունեցել․ կան զոհեր և տուժածներ
Ռուսաստան
Մոսկվայի կենտրոնում՝ Կուդրինսկայա հրապարակում գտնվող բարձրահարկ շենքի հարակից տարածքում պայթյուն է տեղի ունեցել։ Այս մասին հայտնում են ռուսական մի շարք տելեգրամյան ալիքներ, այդ թվում՝ Ostorozhno, Novosti-ն և Mash-ը։
Baza-ի փոխանցմամբ՝ պայթյունը որոտացել է «Balzi Rossi» ռեստորանի հյուրերի համար նախատեսված հատվածում, որտեղ այդ պահին անցկացվում էր փակ միջոցառում։
Նախնական տեղեկություններով՝ զոհվել է առնվազն երեք մարդ, իսկ վիրավորների թիվը գերազանցում է 20-ը։
Mash-ի տվյալներով՝ տուժածներից մեկը գտնվում է կլինիկական մահվան վիճակում։
Պայթյունից հետո ռեստորանի տարածքում հրդեհ է բռնկվել։ Արտակարգ ծառայությունները հրդեհին շնորհել են բարդության երրորդ աստիճան և շարունակում են աշխատել դեպքի վայրում։
Պայթյունի պատճառների և տուժածների վիճակի վերաբերյալ պաշտոնական տեղեկատվությունը դեռևս ճշտվում է։
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
