РИА Новости. Ռուսաստանի շուկան կորցնելու դեպքում Հայաստանին ծիրանի արտահանումից ստացվող եկամուտների ավելի քան 80%-ի կորուստ է սպառնում

Հայաստանը ռուսաստանյան շուկան կորցնելու դեպքում վտանգի է ենթարկվում կորցնել ծիրանի արտահանումից ստացվող եկամուտների ավելի քան 80%-ը։ Այս եզրակացությանն է եկել «РИА Новости»-ն՝ վերլուծելով ազգային վիճակագրական ծառայությունների տվյալները։

Հայկական ծիրանի արտահանումը սեզոնային բնույթ ունի․ արտասահման մատակարարումները սովորաբար իրականացվում են մայիսից մինչև սեպտեմբեր-հոկտեմբեր։

Ռուսաստանյան ԶԼՄ-ի տվյալներով, 2025 թվականի սեզոնի արդյունքներով Հայաստանը ծիրանի արտահանումից ստացել է 12,2 մլն դոլար։

Այդ գումարից 10,3 մլն դոլարը բաժին է ընկել Ռուսաստան մատակարարումներին, որն ապահովել է այս մրգի վաճառքից ստացված ամբողջ արտահանման հասույթի 83,9%-ը։

Ռուսաստանից բացի, 2025 թվականին հայկական ծիրանը արտահանվել է նաև Վրաստան (540,6 հազար դոլար), Բելառուս (205,9 հազար դոլար) և ԱՄԷ (62,9 հազար դոլար)։

Հունիսի սկզբին Ռոսսելխոզնադզորը սահմանափակումներ էր մտցրել Հայաստանից կորիզավոր մրգերի, այդ թվում՝ ծիրանի ներմուծման վրա։