Wildberries-ի խոշոր պահեստը դարձել է ԱԹՍ-ի հարձակման թիրախ Ռուսաստանում

Ռուսաստանի Վլադիմիրի մարզում Wildberries ընկերության լոգիստիկ կենտրոնը ենթարկվել է անօդաչու թռչող սարքերի հարձակման։

 ԱԹՍ-ները հարվածել են «Վլադիմիր — Վորշինսկոյե» լոգիստիկ կենտրոնին, որը գտնվում է Խրյաստովո գյուղի մոտ։

Wildberries-ի մամուլի ծառայությունը դեռ չի մեկնաբանել տեղի ունեցածը։

Լոգիստիկ կենտրոնը մասնակիորեն շահագործման է հանձնվել 2024 թվականի դեկտեմբերին։ Դրա մակերեսը կազմել է 58,5 հազար քառակուսի մետր։ Նախատեսվում էր շինարարությունն ավարտել 2026 թվականին՝ կենտրոնի ընդհանուր տարածքը հասցնելով 175 հազար քառակուսի մետրի։

Պահեստից ապրանքները բաշխվում են Մոսկվա և Ռուսաստանի Կենտրոնական դաշնային շրջանի այլ շրջաններ։