Brent նավթի համաշխարհային գինը կտրուկ նվազել է

Երկուշաբթի՝ օգոստոսի 3-ին, համաշխարհային շուկայում Brent տեսակի նավթի գինը կտրուկ նվազել է՝ կորցնելով ավելի քան 4,8 տոկոս։ Investing հարթակի տվյալներով՝ Մոսկվայի ժամանակով ժամը 12:25-ի դրությամբ Brent-ի մեկ բարելի արժեքը կազմել է 83,66 դոլար, ինչը նախորդ առևտրային օրվա փակման համեմատ 4,27 դոլարով պակաս է։

Վերլուծաբանների գնահատմամբ՝ գների անկումը պայմանավորված է ԱՄՆ նախագահ Դոնալդ Թրամփի վերջին հայտարարություններով, որոնցում նա խոսել է Իրանի շուրջ իրավիճակի խաղաղ կարգավորման և միջուկային ծրագրի վերաբերյալ համաձայնության հասնելու անհրաժեշտության մասին։ Շուկան այդ հայտարարությունները գնահատել է որպես Մերձավոր Արևելքում լարվածության հնարավոր թուլացման ազդակ։

Մասնագետների կարծիքով՝ բանակցությունների առաջընթացի սպասումները նվազեցրել են Օրմուզի նեղուցի երկարատև փակման հետ կապված մտավախությունները, ինչը դրական ազդակ է դարձել ներդրողների համար։ Միևնույն ժամանակ նրանք ընդգծում են, որ տարածաշրջանում նոր էսկալացիայի դեպքում նավթի համաշխարհային գները կարող են կրկին կտրուկ աճել։