ԱԳՆ-ն ներկայացրել է Շենգենյան վիզայի դիմելու հիմնական կանոնները

Հայաստանի արտաքին գործերի նախարարությունը հրապարակել է Շենգենյան վիզայի տրամադրման ընթացակարգերին նվիրված տեղեկատվական շարքի առաջին հոլովակը։

Նախարարության փոխանցմամբ՝ տեսանյութում ներկայացվում են Շենգենյան վիզայի դիմելու հիմնական փուլերը, ինչպես նաև պարզաբանվում է, թե ինչ է «վիզաների կասկադը» և ինչպես է այն գործում։

ԱԳՆ-ն ընդգծում է, որ ճիշտ կազմված, ժամանակին ներկայացված և հիմնավորված դիմումը մեծացնում է Շենգենյան վիզա ստանալու հավանականությունը։

Նախարարության գնահատմամբ՝ դիմումների որակյալ պատրաստումը նաև դրական ազդեցություն է ունենում Հայաստանի և Եվրոպական միության միջև վիզաների ազատականացման ընդհանուր գործընթացի վրա։