Գերմանիայում գարեջրագործարանների զանգվածային փակումը շարունակվում է

Գերմանիայում շարունակում է նվազել գործող գարեջրագործարանների թիվը։ Երկրի Դաշնային վիճակագրական վարչության (Destatis) տվյալներով՝ 2025 թվականին փակվել է ևս 53 գարեջրագործարան, ինչի հետևանքով դրանց ընդհանուր թիվը կրճատվել է 3,6 տոկոսով՝ հասնելով 1415-ի։ Այդ մասին հայտնում է Nampa գործակալությունը։

Վիճակագիրների գնահատմամբ՝ ոլորտի անկման հիմնական պատճառներն են գարեջրի պահանջարկի նվազումը և արտադրական ծախսերի աճը։ Ամենաշատ գարեջրագործարանները շարունակում են գործել Բավարիայում՝ 588, իսկ Բադեն-Վյուրթեմբերգում և Հյուսիսային Ռեյն-Վեստֆալիայում դրանց թիվը կազմել է համապատասխանաբար 191 և 131։

2025 թվականին Գերմանիայում գարեջրի արտադրության ծավալը նույնպես նվազել է՝ պատմական նվազագույնի՝ 80 միլիոն հեկտոլիտրից պակաս։ Այդ ցուցանիշը 5,6 տոկոսով զիջել է նախորդ տարվա արդյունքին։ Համաշխարհային վարկանիշում Գերմանիան պահպանել է վեցերորդ տեղը, իսկ առաջատարներն են մնացել Չինաստանը, ԱՄՆ-ը, Բրազիլիան, Մեքսիկան և Ռուսաստանը։