Բրեդլի Կուպերն ու Ջիջի Հադիդը նորից բորբոքել են ամուսնության մասին խոսակցությունները

Հոլիվուդյան դերասան Բրեդլի Կուպերը և սուպերմոդել Ջիջի Հադիդը կրկին հայտնվել են ամուսնության մասին լուրերի կենտրոնում։ Այդ մասին գրում է Page Six-ը։

Պապարացիները զույգին լուսանկարել են Փարիզում զբոսնելիս։ 51-ամյա Կուպերը կրել է սև շապիկ, մուգ մոխրագույն տաբատ, արևային ակնոց և սպիտակ բեյսբոլի գլխարկ, իսկ 31-ամյա Հադիդը՝ սպիտակ մայկա և կապույտ ջինս։ Լրագրողները նկատել են, որ երկուսն էլ անանուն մատին մատանի են կրում, ինչն էլ նոր խոսակցությունների առիթ է դարձել։

Page Six-ը դիմել է զույգի ներկայացուցիչներին՝ մեկնաբանություն ստանալու համար, սակայն պատասխան դեռ չի ստացել։ Ավելի վաղ հաղորդվում էր, որ Բրեդլի Կուպերն ու Ջիջի Հադիդը լուրջ են տրամադրված իրենց հարաբերությունների հարցում, սակայն այդ ժամանակ նշվում էր, որ նրանք դեռ չեն շտապում հաջորդ քայլերն անել։