Իտալիայում 4.3 մագնիտուդով երկրաշարժ է տեղի ունեցել

Երեքշաբթի առավոտյան Իտալիայի Տոսկանա քաղաքում տեղի է ունեցել 4.3 մագնիտուդով երկրաշարժ, հաղորդում է Երկրաֆիզիկայի և հրաբխագիտության ազգային ինստիտուտը (Ingv): Երկրաշարժի էպիկենտրոնը գտնվել է Պիզա նահանգում:

Տեղական լրատվամիջոցների հաղորդմամբ, Պիզա, Լուկա և Մասսա Կարարա քաղաքների բնակիչները հստակ զգացել են գետնի ցնցումները: Տարածաշրջանային քաղաքացիական պաշտպանության ծառայությունը ստուգում է շենքերին և ենթակառուցվածքներին հասցված վնասը: Վիրավորների մասին հաղորդագրություններ չկան:

Տեղական «Corriere Adriatico» թերթի փոխանցմամբ՝ Պիզայի հրշեջ ծառայությունը բազմաթիվ զանգեր է ստացել բնակիչներից՝ երկրաշարժի մասին հայտնելով։ Քաղաքի կենտրոնում տասնյակ մարդիկ դուրս են եկել փողոցներ։ Ավերածությունների կամ այլ վնասների մասին դեռևս տեղեկություններ չկան։

Պիզայի և Տոսկանայի այլ քաղաքների բնակիչները սոցցանցերում հայտնել են, որ զգացել են ուժեղ ցնցում, որոշ շենքերում կահույքը դողում է, իսկ պատուհանները՝ դղրդում։

Անցյալ շաբաթ Նեապոլի տարածքում տեղի ունեցավ վերջին 40 տարվա ընթացքում ամենաուժեղ երկրաշարժը՝ 4.7 մագնիտուդով։ Տեղական իշխանությունների տվյալներով՝ վիրավորվել է 26 մարդ։ Նեապոլում և հարակից տարածքներում էլեկտրաէներգիայի անջատումներ են գրանցվել, և մի քանի շրջանների բնակիչներ ստիպված են եղել լքել իրենց տները։