Վաշինգտոնը ևս 1.4 միլիարդ դոլար կծախսի Ազգային գվարդիայի վրա․ WP

Վաշինգտոնում Ազգային գվարդիայի ստորաբաժանումների պահպանումը մինչև Դոնալդ Թրամփի նախագահության ավարտը կարժենա լրացուցիչ 1.4 միլիարդ դոլար, հաղորդում է Washington Post-ը՝ հղում անելով Կոնգրեսին ներկայացված տվյալներին։

Հրապարակման համաձայն՝ գնահատականը ներառում է 2026 թվականի հոկտեմբերից մինչև 2029 թվականի հունվար ընկած ժամանակահատվածը և ենթադրում է քաղաքում մոտ 2500 զինվորի ներկայություն։ Ազգային գվարդիան նախկինում հայտարարել էր, որ նրանք կմնան մայրաքաղաքում մինչև Թրամփի նախագահության ավարտը կամ մինչև իրենց առաքելությունը դադարեցնելու հրաման ստանալը։

2025 թվականի վերջի դրությամբ ԱՄՆ մայրաքաղաքում Ազգային գվարդիայի զորքերի պահպանումը հարկատուներին արդեն արժեցել էր 223 միլիոն դոլար։ Հրատարակությունը նշում է, որ Վաշինգտոնում Ազգային գվարդիայի ներկայության յուրաքանչյուր լրացուցիչ ամիս արժենում է մոտ 55 միլիոն դոլար։