Կտրված կոբրայի գլուխը խայթել է 72-ամյա տղամարդուն
Հասարակություն
Չինաստանի 72-ամյա բնակիչը շուրջ երկու ամիս բուժում է ստացել այն բանից հետո, երբ իրեն խայթել է մարմնից անջատված կոբրայի գլուխը։ Դեպքի մասին հայտնում է Mothership-ը։
Հաղորդվում է, որ մայիսին տղամարդը ձկնորսության ժամանակ նկատել է կոբրային և որոշել է առաջինը հարձակվել՝ ենթադրելով, որ հեռանալու փորձը կարող է սադրել օձին։ Նա բահով հարվածել է կոբրային և կտրել գլուխը։ Սակայն մոտ հինգ րոպե անց, երբ փորձել է վերցնել կտրված գլուխը, այն կպել է նրա ձեռքին։ Մոտ 20 րոպե անց տղամարդու ձեռքը ուժեղ այտուցվել է, վատացել է տեսողությունը, առաջացել են կրծքավանդակի ցավեր և փսխում։
Բժիշկները ժամանակին ներարկել են հակաթույն, սակայն ծանր այտուցի պատճառով ստիպված են եղել շտապ վիրահատություն կատարել՝ հյուսվածքների մեռուկացումը կանխելու համար։ Տուժածը պատմել է, որ առաջին երեք օրերին նույնիսկ չէր կարողանում քնել՝ անընդհատ տեսնելով անգլուխ օձի մասին մղձավանջներ։ Նա ամբողջությամբ ապաքինվել է միայն վերջերս և խոստովանել, որ այլևս երբեք նման անզգույշ քայլ չի անի։
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
