Հաջիև․ «Եթե «Զանգեզուրի միջանցքը» բացվի, Ստամբուլից Բաքու հնարավոր կլինի հասնել գնացքով կամ ավտոմեքենայով»
Աշխարհ
Ադրբեջանի նախագահի օգնական Հիքմեթ Հաջիևը հայտարարել է, որ այսպես կոչված «Զանգեզուրի միջանցքի» բացումը նոր տրանսպորտային հնարավորություններ կստեղծի Թուրքիայի և Ադրբեջանի համար։
CNN Türk-ին տված հարցազրույցում Հաջիևը նշել է, որ Ադրբեջանը գրեթե ավարտել է համապատասխան տրանսպորտային ենթակառուցվածքների կառուցումը։ Նրա խոսքով՝ Բաքվից մինչև Զանգելան և Հայաստանի սահման ընկած ավտոմոբիլային ու երկաթուղային ճանապարհները գտնվում են ավարտական փուլում, իսկ Նախիջևանի երկաթուղին արդեն վերականգնվել է։
Հաջիևը նաև հիշեցրել է, որ Թուրքիան կառուցում է Կարս-Իգդիր նոր երկաթուղին, որը, ըստ նրա, կդառնա տարածաշրջանային տրանսպորտային ցանցի մի մասը։
«Եթե «Զանգեզուրի միջանցքը» բացվի, Ստամբուլից Բաքու հնարավոր կլինի հասնել ավտոմեքենայով կամ գնացքով։ Դա այդքան էլ հեռու հեռանկար չէ»,- ասել է նա։
Հաջիևը նաև պնդել է, թե Հայաստանը և ԱՄՆ-ն պարտավորություն են ստանձնել ավարտին հասցնել մոտ 42 կիլոմետր երկարությամբ ճանապարհահատվածի շինարարությունը։ Այս պնդման վերաբերյալ հայկական կողմի պաշտոնական արձագանքը տվյալ պահին չի հրապարակվել։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
