Կրակոց և առեղծվածային մահվան դեպք՝ Երևանում. Հայաստանում հայտնի «Բոնուս» սուպերմարկետների ցանցի գրասենյակում հայտնաբերվել է հիմնադիրներից գլխավոր տնօրենի մարմինը

Այսօր՝ օգոստոսի 5-ին, Երևանում հայտնաբերվել է Հայաստանում գործող «Բոնուս» սուպերմարկետների ցանցի համահիմնադիր և գլխավոր տնօրեն, 59-ամյա Անդրանիկ Մ.-ի մարմինը. փոխանցում է SHAMSHYAN.com-ը։

Դեպքը տեղի է ունեցել Ներքին Շենգավիթի 11-րդ փողոցում գտնվող գրասենյակում։ Դեպքի վայր են ժամանել ոստիկանության և Քննչական կոմիտեի օպերատիվ-քննչական խմբերը, նախաձեռնվել է քրեական վարույթ։

Իրավապահները պարզում են մահվան հանգամանքները։ Քննության շրջանակում ստուգվում են տարբեր վարկածներ, այդ թվում՝ սպանության, ինքնասպանության կամ դժբախտ պատահարի հնարավորությունը։ Նախաքննության շահերից ելնելով՝ այլ մանրամասներ առայժմ չեն հրապարակվում։

Դեպքի վայրում հավաքված մի շարք քաղաքացիներ, որոնք ներկայացել են որպես մահացածի ճանաչողներ, նշել են, որ չեն հավատում ինքնասպանության վարկածին և հույս են հայտնել, որ իրավապահները կապահովեն դեպքի հանգամանքների լիարժեք ու օբյեկտիվ քննությունը։