Իրավիճակը ՀՀ ճանապարհներին ու Լարսի անցակետում

Փրկարար ծառայության տեղեկացմամբ՝ Հայաստանի Հանրապետության տարածքում բոլոր ավտոճանապարհներն անցանելի են։

Միաժամանակ, Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Վարորդներին խորհուրդ է տրվում ճանապարհ մեկնելուց առաջ հետևել պաշտոնական հաղորդագրություններին և եղանակային պայմաններին։