Հնդկաստանը պահանջում է, որ Ցուկերբերգը ներողություն խնդրի Մոդիի գրառումը ջնջելու համար
Աշխարհ
Հնդկաստանի խորհրդարանի կապի և տեղեկատվական տեխնոլոգիաների հանձնաժողովը եռօրյա վերջնագիր է ներկայացրել Meta-ի գործադիր տնօրեն Մարկ Ցուկերբերգին: Այս մասին հայտնել է News18-ը՝ հղում անելով աղբյուրներին:
Այս աղբյուրների համաձայն՝ Ցուկերբերգը պետք է ներողություն խնդրի և միջոցներ ձեռնարկի հուլիսի 23-ի Մոդիի մասնակցությամբ տեսանյութը ժամանակավորապես հեռացնելու համար պատասխանատու անձանց դեմ: Հակառակ դեպքում, ընկերությունը կարող է կորցնել «անվտանգ նավահանգստի» կարգավիճակը, որը նրան ապահովում է իրավական պաշտպանություն:
Իշխող կուսակցության պատգամավոր Նիշիկանտ Դուբեյի նախագահությամբ խորհրդարանական հանձնաժողովը Հնդկաստանի վարչապետի տեսանյութի ժամանակավոր հեռացումը անվանել է «ժողովրդավարության վրա հարձակում»: Այն նշել է, որ գրառումը արտացոլում է ոչ միայն վարչապետի դիրքորոշումը, այլև 1.4 միլիարդ հնդիկների ձայնը:
«Եթե Facebook-ը միջոցներ չձեռնարկի այս միջադեպի համար պատասխանատու անձանց դեմ, ընկերությունը կկորցնի «անվտանգ նավահանգստի» դրույթով իր պաշտպանությունը: Մարկ Ցուկերբերգը ստիպված կլինի ներողություն խնդրել: Հակառակ դեպքում, կարող են իրավական գործողություններ ձեռնարկվել», - ասել են Դուբեյի աղբյուրները:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
