Yle․ Հունգարիայում իշխանափոխությունը չօգնեց Ուկրաինային ավելի մերձենալ ԵՄ-ին

Հունգարիայում վարչապետի փոփոխությունը չի փոխել Ուկրաինայի՝ Եվրամիությանը անդամակցելու իրավիճակը, ըստ Հելսինկիի համալսարանի պրոֆեսոր Կատալին Միկլոշիի՝ Yle-ին տված հարցազրույցում։

Նրա խոսքով՝ Հունգարիայի նոր վարչապետ Պետեր Մադյարը օգտագործում է ուկրաինական հարցը՝ իր քաղաքական դիրքերը ամրապնդելու համար՝ պահանջելով, որ Կիևը ապահովի հունգարական ազգային փոքրամասնության իրավունքները Անդրկարպատիայում։

«Մադյարը երբեք չէր հաղթի ընտրություններում առանց պահպանողական և ազգայնական հունգարացիների ձայների։ Հունգարիայից դուրս ապրող հունգարացիների ճակատագիրը կարևոր է նրանց համար, և Մադյարը չի ուզում, որ նրանք հիասթափվեն», - նշել է փորձագետը։

Ավելին, ըստ Միկլոշիի, շատ այլ անդամ պետություններ նույնպես չեն աջակցում Ուկրաինայի՝ ԵՄ-ին արագացված անդամակցությանը՝ առանց հրապարակայնորեն արտահայտելու իրենց դիրքորոշումը։ Պատճառների թվում փորձագետը նշել է գյուղատնտեսական շուկաներում հնարավոր մրցակցությունը, միության ներսում սուբսիդիաների վերաբաշխումը և Ուկրաինայի հետ չլուծված պատմական տարաձայնությունները։