Պետդումայում մեկնաբանել են Ռուսաստանում Apple-ի դեմ հարուցված գործի հնարավոր հետևանքները iPhone-ի օգտատերերի համար

Ռուսաստանի Պետդումայի տեղեկատվական քաղաքականության հանձնաժողովի փոխնախագահ Անդրեյ Սվինցովը հայտարարել է, որ Ռուսաստանի Դաշնային հակամենաշնորհային ծառայության (ՖԱՍ) կողմից Apple-ի դեմ հարուցված գործը չի ազդի Ռուսաստանում iPhone-ի օգտատերերի վրա։ Այդ մասին նա ասել է ՏԱՍՍ-ին տված մեկնաբանությունում։

«Մեր քաղաքացիների համար, որոնք օգտագործում են Apple-ի սարքերը, ոչինչ չի փոխվի։ Սարքերն ինչպես աշխատել են, այնպես էլ կշարունակեն աշխատել», — նշել է պատգամավորը։

Ավելի վաղ հայտնի էր դարձել, որ ՖԱՍ-ը գործ է հարուցել Apple-ի դեմ՝ այն բանից հետո, երբ ընկերությունը չի կատարել գերատեսչության նախազգուշացումը։ Խոսքը վերաբերում է RuStore հավելվածների խանութի և «Մաքս» մեսենջերի նախնական տեղադրմանը iOS օպերացիոն համակարգով սարքերում։ Եթե Apple-ը չկատարի ՖԱՍ-ի պահանջները, ընկերությանը կարող է սպառնալ մինչև 4 միլիարդ ռուբլու տուգանք։