Երևանում կայացել է Անիի պատմական կամրջի վերականգնման հարցերով հայ-թուրքական աշխատանքային խմբի երկրորդ հանդիպումը

Երևանում տեղի է ունեցել Անիի պատմական կամրջի վերականգնման աշխատանքների վերաբերյալ Հայաստան-Թուրքիա աշխատանքային խմբի երկրորդ հանդիպումը։

Հանդիպման ընթացքում կողմերը քննարկել են պատմական կամրջի վերականգնմանն ուղղված հետագա քայլերը, տեխնիկական հարցերը և մասնագետների միջև համագործակցության հնարավորությունները։

Անիի կամուրջը գտնվում է Ախուրյան գետի վրա՝ Հայաստանի և Թուրքիայի սահմանին, և համարվում է միջնադարյան հայկական ճարտարապետության կարևոր հուշարձաններից մեկը։

Աշխատանքային խմբի շրջանակում կողմերը շարունակում են քննարկումները՝ ուղղված պատմամշակութային ժառանգության պահպանման և վերականգնման համատեղ ծրագրերի իրականացմանը։