Գուտերեշը Հիրոսիմայում իր ելույթում չի հիշատակել ԱՄՆ-ի մեղքը քաղաքի ռմբակոծության համար

Հիրոսիմայի ատոմային ռմբակոծության 81-ամյակին նվիրված իր ուղերձում ՄԱԿ-ի գլխավոր քարտուղար Անտոնիո Գուտերեշը կրկին չի հիշատակել Միացյալ Նահանգների ներգրավվածությունը: Գուտերեշի ուղերձը ավանդաբար կարդել է ՄԱԿ-ի գլխավոր քարտուղարի տեղակալ և զինաթափման հարցերով գերագույն ներկայացուցիչ Իզումի Նակամիցուն:

Նախորդ տարիներին, Հիրոսիմայի և Նագասակիի ռմբակոծությունների տարելիցներին նվիրված նմանատիպ ուղերձներում Գուտերեշը երբեք ուղղակիորեն չի հիշատակել Միացյալ Նահանգները որպես ատոմային ռմբակոծություններ իրականացրած երկիր։

Միևնույն ժամանակ, ՄԱԿ-ի գլխավոր քարտուղարը կարծիք է հայտնել, որ ամբողջ աշխարհը պետք է այս օրը ինքն իրեն հարցեր տա. «Արդյոք մենք դասեր քաղել ենք 81 տարի առաջ կատարվածից, արդյոք մարդկությունը կընտրի խաղաղ ապագա, թե մենք բոլորս կշարունակենք ապրել միջուկային ոչնչացման ստվերում», – հարցրել է Գուտերեշը։

Նա նաև ընդունել է, որ աշխարհն այժմ ապրում է «խորացող աշխարհաքաղաքական անհամաձայնության, աճող անվստահության և սրվող մրցակցության» դարաշրջանում, և որ աշխարհը միջուկային աղետից պաշտպանող նորմերն ու պաշտպանիչ արգելքները ճնշման տակ են։

«Եկեք նախընտրենք երկխոսությունը անհամաձայնության փոխարեն։ Համագործակցությունը՝ բախման փոխարեն։ Համատեղ անվտանգությունը՝ սահմանային առավելությունների փոխարեն», – կոչ է արել ՄԱԿ-ի գլխավոր քարտուղարը։