Զինվորական քոլեջի նախկին սաները պատմել են հաստատությունում տեղի ունեցած uեռшկшն բռնnւթյnւնների մասին

Հյուսիսային Յորքշիրի Հարրոգեյթ քաղաքի Բանակային ուսումնական քոլեջի (AFC) նախկին կին սաները պնդում են, որ հաստատությունում ձևավորվել է սեռական բռնության և ոտնձգությունների վտանգավոր մշակույթ։ Այս մասին հայտնում է՝ BBC-ն։

Վերջին հինգ տարիներին քոլեջում սովորած կանայք պատմել են իրենց մասին՝ նշելով, որ միջադեպերի ժամանակ 7 տարեկան են եղել։

Հյուսիսային Յորքշիրի ոստիկանությունը հունիս ամսվա ստացել է քոլեջի հետ կապված սեռական բնույթի հանցագործությունների 16 հաղորդում։ Պաշտպանության նախարարության տվյալներով՝ 2018 թվականի հունվարից մինչև 2025 թվականի հունիսը AFC-ում գրանցվել է 176 բողոք, որոնցից 32-ը վերաբերել են մշտական անձնակազմին, իսկ 144-ը՝ կրտսեր զինվորներին։

Բանակի ներկայացուցիչները հայտարարել են, որ նման վարքագիծը անընդունելի է և հակասում է զինված ուժերի սկզբունքներին՝ ընդգծելով, որ յուրաքանչյուր նման հաղորդում պետք է լրջորեն ուսումնասիրվի։

Կանանցից մեկը պատմել է, որ մանկուց երազել է զինվորական դառնալ։  Նա հայտնել է, որ 17 տարեկանում մի քանի զինվորների կողմից ենթարկվել է բռնաբարության: Նրա խոսքով՝ այդ դեպքից հետո նա լքել է բանակը և դիմել ոստիկանություն, սակայն մեղադրանք չի առաջադրվել, քանի որ հետաքննությունը հետագայում գնահատվել է որպես անբավարար։

Մեկ այլ կին պատմել է, որ զինակիցը փակել է իրեն սենյակում և սեռական բռնության ենթարկել։ Նա նշել է, որ կարողացել է դիմադրել և դուրս գալ իրավիճակից։ Երրորդ կնոջ մասին պատմել է նրա մայրը ՝ նշելով, որ դուստրը մշտապես բախվել է սեռական ոտնձգությունների և նույնիսկ ստիպված է եղել քնել դռան մոտ՝ փորձելով պաշտպանվել, քանի որ սենյակի փականը չի աշխատել։

Չորրորդ կինը  նշել է, որ քոլեջում հանդիպել է նաև կնատյաց վերաբերմունքի։ Նրա խոսքով՝ դասախոսների որոշ արտահայտություններ և վերաբերմունքը նպաստել են այնպիսի մթնոլորտի ձևավորմանը, որտեղ կանայք արժեզրկվել են։

Բանակը հայտնել է, որ AFC-ում իրականացվել են բարեփոխումներ՝ տուժածներին աջակցելու և բողոքների ընթացակարգերը բարելավելու նպատակով։ Միաժամանակ վերջին տարիներին մի քանի մեծահասակ հրահանգիչներ ռազմական դատարանների կողմից դատապարտվել են ֆիզիկական և սեռական բռնության համար։

Փորձագետները նշում են, որ AFC-ի վերաբերյալ մեղադրանքները կապված են զինված ուժերում կանանց անվտանգության վերաբերյալ ավելի լայն խնդիրների հետ։ Նրանք ընդգծում են, որ անհրաժեշտ է անկախ ուսումնասիրություն՝ պարզելու համար, թե ինչպես է հնարավոր եղել նման միջավայրի ձևավորումը։