Շվեդիայում 2026 թվականին զորակոչիկների թիվը կլինի ամենաբարձրը տասնամյակների ընթացքում

Օգոստոսին Շվեդիայի զինված ուժերի ստորաբաժանումներում ավելի քան 5000 զորակոչիկ կսկսի նախնական զինվորական պատրաստություն։ 2026/27 ուսումնական տարվա ընթացքում նրանց թիվը կգերազանցի 9000-ը, որը «տասնամյակների ընթացքում ամենամեծ ներհոսքն է», - հայտնել են զինված ուժերը մամուլի հաղորդագրության մեջ։

2022 թվականին նորակոչիկների թիվը կազմել է 5500, իսկ 2025 թվականին՝ 8500։ Մամուլի հաղորդագրության մեջ ընդգծվում է, որ զորակոչիկների թվի աճը «ևս մեկ քայլ է ռազմական պաշտպանության շարունակական աճի գործում»։

Օգոստոսի ընթացքում նորակոչիկները կսկսեն իրենց պատրաստությունը բանակում, նավատորմում և ռազմաօդային ուժերում։ Նրանք կպատրաստվեն երկրի զինված ուժերի ստորաբաժանումներում։

Շվեդիայի 2026 թվականի պաշտպանական բյուջեն կազմում է 175 միլիարդ կրոն (18.4 միլիարդ դոլար) կամ ՀՆԱ-ի 2.8%-ը։ 2022 թվականին այն հասել է 70.8 միլիարդ կրոն (7.47 միլիարդ դոլար) կամ ՀՆԱ-ի 1.2%-ը։ Ռազմական ծախսերի աճը կապված է 2024 թվականին ՆԱՏՕ-ին անդամակցելու և դաշինքին ինտեգրվելու հետ։